The Caller

မေရီ ကီး (Mary Kee) ဟာ အကြမ်းဖက်တတ်တဲ့ ခင်ပွန်းဖြစ်သူနဲ့ ကွာရှင်းပြတ်စဲပြီးနောက် ဘဝသစ်စတင်ဖို့အတွက် တိုက်ခန်းဟောင်းလေးတစ်ခုကို ပြောင်းရွှေ့နေထိုင်ခဲ့ပါတယ်။ ထိုတိုက်ခန်းထဲမှာ အရင်လူ ထားခဲ့တဲ့ ရှေးဟောင်း ဖုန်းအိုကြီးတစ်လုံး ရှိနေပြီး တစ်နေ့မှာတော့ ရို့စ် (Rose) လို့ အမည်ရတဲ့ ထူးဆန်းတဲ့ အမျိုးသမီးကြီးတစ်ယောက်ဆီကနေ ဖုန်းခေါ်ဆိုမှုတွေ စတင်လက်ခံရရှိခဲ့ပါတယ်။ အစပိုင်းမှာတော့ မေရီက ဖုန်းနံပါတ်မှားခေါ်တယ်လို့ပဲ ထင်ခဲ့ပေမဲ့ နောက်ပိုင်း စကားပြောကြည့်ရင်းနဲ့မှ ရို့စ်ဟာ လက်ရှိအချိန်က ခေါ်နေတာမဟုတ်ဘဲ လွန်ခဲ့တဲ့ နှစ်ပေါင်း ၃၀ ကျော် (၁၉၇၉ ခုနှစ်) အတိတ်ကာလကနေ ဖုန်းခေါ်ဆိုနေတာဖြစ်ကြောင်း မယုံနိုင်စရာ ထူးဆန်းစွာ သိရှိသွားပါတော့တယ်။မေရီက အတိတ်ကအကြောင်းအရာတွေကို ပြောပြရင်း ရို့စ်ရဲ့ ဘဝကို ကူညီပေးခဲ့ပေမဲ့... နောက်ပိုင်းမှာတော့ ရို့စ်ရဲ့ စိတ်မမှန်တဲ့ အပြုအမူတွေကြောင့် ဖုန်းဆက်မပြောဘဲ ရှောင်ဖယ်ဖို့ ကြိုးစားလာပါတယ်။ ဒါကို စိတ်ဆိုးသွားတဲ့ အတိတ်က အမျိုးသမီးကြီး ရို့စ်ဟာ မေရီရဲ့ လက်ရှိမျက်မှောက်ဘဝကို ဖျက်ဆီးဖို့အတွက် အတိတ်ကာလထဲမှာတင် ကလဲ့စားချေပါတော့တယ်။ ရို့စ်က အတိတ်မှာ ပြောင်းလဲပစ်လိုက်တဲ့ အဖြစ်အပျက်တွေဟာ မေရီရဲ့ လက်ရှိပတ်ဝန်းကျင်က လူတွေကို ပျောက်ဆုံးသွားစေသလို၊ မေရီရဲ့ ခန္ဓာကိုယ်ပေါ်မှာလည်း ဒဏ်ရာတွေအဖြစ် ချက်ချင်းဆိုသလို ပြောင်းလဲသက်ရောက်လာပါတယ်။ မေရီတစ်ယောက် အတိတ်ကနေ ခြောက်လှန့်နေတဲ့ စိတ္တဇလူသတ်သမားကြီးရဲ့ ရန်ကနေ လွတ်မြောက်ဖို့နဲ့ မိမိရဲ့ လက်ရှိမျက်မှောက်ဘဝကို ကာကွယ်ဖို့အတွက် အချိန်ကာလကို ကျော်လွန်ပြီး ဘယ်လိုမျိုး အသည်းတယားယား တိုက်ခိုက်သွားမလဲဆိုတာကို ရိုက်ကူးထားတဲ့ စိတ်ပညာဆိုင်ရာ သိပ္ပံနည်းကျ သဲထိတ်ရင်ဖို (Sci-Fi Mystery Thriller) ရုပ်ရှင်ကောင်းတစ်ကား ဖြစ်ပါတယ်။

• 2011
• English
• 1 hrs 32 min
• 6.2 (IMDb)