- Horror
The Body (2019)
အောင်မြင်ကျော်ကြားပြီး ငွေကြေးအလွန်ချမ်းသာသည့် စီးပွားရေးလုပ်ငန်းရှင် အမျိုးသမီး မာယာ (Sobhita Dhulipala) ဟာ ရုတ်တရက် နှလုံးရပ်ပြီး ကွယ်လွန်သွားခဲ့ပါတယ်။ ဒါပေမဲ့ ထူးဆန်းတာက ဆေးရုံအလောင်းပြင်ခန်း (Morgue) ထဲမှာ သိမ်းဆည်းထားတဲ့ သူမရဲ့ ရုပ်အလောင်းဟာ တစ်ညရက်ခင်းမှာတင် လျှို့ဝှက်ဆန်းကြယ်စွာ ပျောက်ဆုံးသွားခဲ့တာပဲ ဖြစ်ပါတယ်။ ဒီထူးဆန်းတဲ့အမှုကို ဝါရင့်စုံထောက်အရာရှိကြီး ဂျိုင်ရတ်ခ်ျ (Rishi Kapoor) က တာဝန်ယူ စုံစမ်းစစ်ဆေးဖို့ ရောက်ရှိလာခဲ့ပါတယ်။စုံစမ်းစစ်ဆေးမှုတွေ ပြုလုပ်ရင်းနဲ့ မာယာ့ရဲ့ ခင်ပွန်းဖြစ်သူ ကောလိပ်ပရော်ဖက်ဆာ အာဂျေး (Emraan Hashmi) အပေါ် သံသယတွေ အကြီးအကျယ် ရှိလာခဲ့ပါတယ်။ အာဂျေးဟာ သူနဲ့ တိတ်တဆိတ် ဖောက်ပြန်နေတဲ့ ကျောင်းသူလေးတစ်ဦးနဲ့ ပေါင်းဖက်နိုင်ဖို့အတွက် ဇနီးဖြစ်သူ မာယာ့ကို သဲလွန်စမကျန်အောင် အဆိပ်ကျွေး သတ်ဖြတ်ခဲ့တာ ဖြစ်ပါတယ်။ ဒါပေမဲ့ အလောင်းပြင်ခန်းတည်ရှိရာ ဆေးရုံဝင်းထဲမှာ ပိတ်မိနေတဲ့ အာဂျေးဆီကို မာယာ သက်ရှိထင်ရှား ရှိနေသေးကြောင်း ပြသနေတဲ့ ထူးဆန်းတဲ့ သဲလွန်စတွေ၊ မက်ဆေ့ခ်ျတွေနဲ့ သူမ သုံးလေ့ရှိတဲ့ ပစ္စည်းတွေ တစ်ခုပြီးတစ်ခု ရောက်ရှိလာတဲ့အခါမှာတော့... မာယာ တကယ်ပဲ မသေဘဲ ကလဲ့စားချေဖို့ ထောင်ချောက်ဆင်နေတာလား၊ ဒါမှမဟုတ် သဘာဝလွန် ဝိညာဉ်ခြောက်လှန့်မှုလားဆိုတာကို ရင်သပ်ရှုမောဖွယ် ဇာတ်ရှိန်အလှည့်အပြောင်း (Twist) အကြီးကြီးနဲ့ ရိုက်ကူးထားတဲ့ ဘောလိဝုဒ် လျှို့ဝှက်ဆန်းကြယ် သည်းထိတ်ရင်ဖို (Mystery Thriller) ဇာတ်ကားကောင်းတစ်ကား ဖြစ်ပါတယ်။(မှတ်ချက်။ ။ ဤဇာတ်ကားတွင် အိမ်ထောင်ရေးဖောက်ပြန်မှု ဇာတ်အိမ်များ၊ နမ်းရှုပ်သည့် အချစ်ပြကွက်အချို့ (Sensual/Romantic bedroom scenes) နှင့် လူသတ်မှုဆိုင်ရာ တင်းမာမှုများ ပါဝင်သောကြောင့် ၁၈ နှစ်အောက် ကလေးသူငယ်များနှင့် မိသားစုအတူ ကြည့်ရှုရာတွင် သတိပြုဆင်ခြင်ရန် လိုအပ်ပါသည်)
