Uzumaki

ဒီရုပ်ရှင်ဟာ ပုံမှန် သရဲကားတွေလို သရဲခြောက်တာမျိုး မဟုတ်ဘဲ "ခရုပတ် (Spiral)" ပုံသဏ္ဌာန်တစ်ခုလုံးက မြို့လေးတစ်မြို့ကို ကျိန်စာသင့်ပြီး စိတ္တဇဆန်ဆန် ဝါးမြိုသွားတဲ့အကြောင်း ရိုက်ကူးထားတာ ဖြစ်ပါတယ်။   ဇာတ်လမ်းပုံစံ: တိတ်ဆိတ်ငြိမ်သက်လှတဲ့ "ကူရိုဇု" ဆိုတဲ့ ဂျပန်မြို့လေးမှာ နေထိုင်တဲ့ ကျောင်းသူလေး ဂိုရှီးမား ကီရီအဲ (Goshima Kirie) ဟာ သူမရဲ့ချစ်သူ လုစု အာဆာမီ (Suichi Saito) ရဲ့ ဖခင်ဖြစ်သူဟာ ထူးဆန်းတဲ့ အပြုအမူတွေ လုပ်နေတာကို သတိထားမိလာပါတယ်။ သူဟာ ခရုခွံတွေ၊ ဟင်းချိုထဲက ခရုပတ်တုံးတွေကအစ လေထဲက ဝဲဂယက်တွေအထိ "ခရုပတ်ပုံစံ" မှန်သမျှကို အရူးအမူး စွဲလမ်းနေပြီး နောက်ဆုံးမှာတော့ သူ့ရဲ့ခန္ဓာကိုယ်တစ်ခုလုံးကိုပါ အဝတ်လျှော်စက်ထဲ ထည့်ပြီး ခရုပတ်ပုံစံဖြစ်အောင် ချိုးဖဲ့သတ်သေသွားခဲ့ပါတယ်။ ဒါဟာ အစပဲ ရှိပါသေးတယ်။ မကြာခင်မှာပဲ မြို့လေးတစ်မြို့လုံးမှာ ရှိတဲ့ လူတွေဟာလည်း ဒီခရုပတ်ကျိန်စာရဲ့ ဒဏ်ကို ခံလာရပြီး လူတွေရဲ့ ဆံပင်တွေက မြွေတွေလို ခရုပတ်ပုံစံ လိမ်ကောက် ထောင်တက်လာတာမျိုး၊ လူအချို့က ခရုကြီးတွေအဖြစ် ပြောင်းလဲသွားတာမျိုး၊ မြို့ပေါ်က တိမ်တွေနဲ့ မီးခိုးတွေကအစ ခရုပတ်ပုံစံတွေ ဖြစ်လာပြီး တစ်မြို့လုံး စိတ္တဇဆန်ဆန် ပျက်စီးလာပါတော့တယ်။ ကီရီအဲနဲ့ သူမရဲ့ချစ်သူတို့ဟာ ဒီထူးဆန်းပြီး ကြောက်မက်ဖွယ်ကောင်းတဲ့ ခရုပတ်ကျိန်စာရဲ့ ဘေးကနေ အသက်လွတ်အောင် ဘယ်လိုရုန်းကန် ပြေးလွှားကြမလဲဆိုတာကို ဂျပန် Horror လောကရဲ့ ဆန်းသစ်တဲ့ ဗီဇူရယ်အမိုက်စားတွေနဲ့ ကြည့်ရှုရမှာ ဖြစ်ပါတယ်။

• 2000
• Japanese
• 1 hrs 30 min
• 6.1 (IMDb)