Jeepers Creepers 2

ဒီဇာတ်ကားဟာ ပထမကားရဲ့ ဖြစ်ရပ်တွေအပြီး ရက်ပိုင်းအကြာ (မိစ္ဆာကြီး ပြန်လည်အိပ်စက်ဖို့ နောက်ဆုံးကျန်ရှိတဲ့ ၂၂ ရက်မြောက်နဲ့ ၂၃ ရက်မြောက်နေ့) မှာ ဆက်လက်ဖြစ်ပွားတဲ့ ဇာတ်လမ်းဖြစ်ပါတယ်။ ချန်ပီယံဆုရရှိပြီး အောင်ပွဲခံပြန်လာကြတဲ့ အထက်တန်းကျောင်း ဘတ်စကက်ဘောအသင်းသားတွေ၊ အားပေး cheerleader မိန်းကလေးတွေနဲ့ နည်းပြတွေ တင်ဆောင်လာတဲ့ ကျောင်းကားကြီးဟာ လူသူဆိတ်ငြိမ်တဲ့ လမ်းမကြီးပေါ်မှာ မထင်မှတ်ဘဲ ဘီးပေါက်ပြီး ပိတ်မိသွားခဲ့ပါတယ်။ ဒါဟာ သာမန်မတော်တဆမှုမဟုတ်ဘဲ လူသားတွေရဲ့ အရိုးတွေနဲ့ ပြုလုပ်ထားတဲ့ ကြယ်ပွင့်လက်နက် (Bone shuriken) ကို သုံးပြီး ကျောင်းကားကို "The Creeper" မိစ္ဆာကြီးက တမင်သက်သက် ထောင်ချောက်ဆင် ဖျက်ဆီးလိုက်တာ ဖြစ်ပါတယ်။တစ်ဖက်မှာလည်း မိမိရဲ့ သားငယ်လေးကို ထိုမိစ္ဆာဆိုးက မျက်စိရှေ့တင် ဖမ်းဆီးသတ်ဖြတ်သွားခဲ့တာကြောင့် ကလဲ့စားချေဖို့ အံကြိတ်ကြိုးစားနေတဲ့ လယ်သမားကြီး ဂျက် တက်ဂတ် (Ray Wise) ဟာ မိမိကိုယ်တိုင် တီထွင်ထားတဲ့ လှံစွပ်သေနတ်ကြီး (Homemade harpoon gun) ကို ကားပေါ်တင်ပြီး မိစ္ဆာနောက်ကို လိုက်လံအမဲလိုက်နေပါတယ်။ ကျောင်းကားပေါ်က ကျောင်းသားတွေဟာ ဖုန်းလိုင်းလည်းမမိ၊ အကူအညီလည်းမရဘဲ ညမှောင်လာချိန်မှာ ကောင်းကင်ကနေ ပျံသန်းပြီး သူတို့ထဲက အင်္ဂါအစိတ်အပိုင်းတွေကို တစ်ယောက်ပြီးတစ်ယောက် ရွေးချယ်ဖမ်းဆီးစားသောက်မယ့် မိစ္ဆာဆိုးရဲ့ ရန်ကနေ ဘယ်လိုမျိုး အသက်လု ထွက်ပြေးရမလဲ၊ လယ်သမားကြီး တက်ဂတ်ကရော ကျောင်းသားတွေနဲ့ အချိန်မီပူးပေါင်းပြီး ဒီမိစ္ဆာဆိုးကြီးကို ဘယ်လိုမျိုး ပြန်လည်အမဲလိုက် နှိမ်နင်းသွားမလဲဆိုတာကို ပထမကားထက် ပိုမိုသွေးပျက်ထိတ်လန့်စရာကောင်းအောင် ရိုက်ကူးထားတဲ့ ဇာတ်ကားကောင်း ဖြစ်ပါတယ်။

• 2003
• English
• 1 hrs 44 min
• 5.6 (IMDb)