Heavenly Creatures

၁၉၅၀ ပြည့်လွန်နှစ်များအတွင်း နယူးဇီလန်နိုင်ငံ၊ ခရိုက်ချက်စ် (Christchurch) မြို့မှာ ဖြစ်ပွားခဲ့တဲ့ တကယ့်ဖြစ်ရပ်မှန် မိခင်သတ်မှု (Parker–Hulme murder case) ကို အခြေခံရိုက်ကူးထားတဲ့ စိတ်ပညာဆိုင်ရာ ရာဇဝတ်မှုဒရမ်မာ ရုပ်ရှင်ကားကြီး ဖြစ်ပါတယ်။ ဇာတ်လမ်းမှာ အသက် ၁၄ နှစ်အရွယ် အေးစက်စက်နဲ့ စိတ်ကူးယဉ်ဆန်တဲ့ ကျောင်းသူလေး ပေါ်လင်း ပါကာ (Melanie Lynskey) နဲ့ အင်္ဂလန်ကနေ အသစ်ပြောင်းရွှေ့လာပြီး ထက်မြက်လှပတဲ့ မိန်းကလေး ဂျူးလီးယက် ဟုမ်း (Kate Winslet) တို့ဟာ ကျောင်းမှာ ဆုံတွေ့ခဲ့ကြပါတယ်။ သူတို့နှစ်ဦးဟာ အနုပညာ၊ စာပေနဲ့ စိတ်ကူးယဉ်ကမ္ဘာတွေကို အတူတူမျှဝေရင်း အလွန်နက်ရှိုင်းပြီး ရူးသွပ်စွဲလန်းစရာကောင်းတဲ့ သံယောဇဉ်တွေ စတင်ဖြစ်ပေါ်လာခဲ့ပါတယ်။သူတို့နှစ်ဦးရဲ့ ပေါင်းသင်းမှုဟာ သာမန်သူခြေလှမ်းထက် ကျော်လွန်ပြီး ပိုမိုပြင်းထန်လာကာ “Fourth World” လို့ခေါ်တဲ့ သူတို့ရဲ့ ကိုယ်ပိုင်စိတ်ကူးယဉ် အိပ်မက်ကမ္ဘာထဲမှာပဲ အချိန်ပြည့် နစ်မြောနေကြပါတော့တယ်။ မိဘတွေက သူတို့နှစ်ဦးရဲ့ ပုံမှန်မဟုတ်တဲ့ ရင်းနှီးမှုနဲ့ လိင်တူစွဲလန်းမှု အရိပ်အယောင်တွေကို သတိပြုမိသွားပြီး ခွဲခွာဖို့ ကြိုးစားတဲ့အခါမှာတော့ ကောင်မလေးနှစ်ယောက်ဟာ စိတ်အခြေအနေ ဖောက်ပြန်လာပြီး သူတို့ရဲ့ ချစ်ခြင်းကို ဘယ်သူမှ မခွဲနိုင်အောင် ပေါ်လင်းရဲ့ မိခင်ဖြစ်သူကို ရက်စက်စွာ သတ်ဖြတ်ဖို့ လျှို့ဝှက်ပူးပေါင်း ကြံစည်ကြပါတော့တယ်။ ဒါရိုက်တာ ပီတာ ဂျက်ဆင်က မိန်းကလေးငယ်နှစ်ဦးရဲ့ စိတ်ကူးယဉ်ဆန်မှုကနေ ကြောက်မက်ဖွယ် ရာဇဝတ်မှုဆီ ဦးတည်သွားပုံကို ရင်တထိတ်ထိတ်နဲ့ အနုပညာမြောက် ပုံဖော်တင်ဆက်ထားပါတယ်။(မှတ်ချက်။ ။ ဒီဇာတ်ကားတွင် ဆယ်ကျော်သက်များ၏ ပြင်းထန်သော စိတ်ပိုင်းဆိုင်ရာ စွဲလန်းမှု၊ လိင်တူချစ်သူအငွေ့အသက် ပြကွက်များနှင့် ကြောက်မက်ဖွယ် ရက်စက်သော လူသတ်မှုအကြောင်းအရာများ ပါဝင်သောကြောင့် ၁၈ နှစ်အောက်နှင့် မိသားစုအတူ ကြည့်ရှုရန် မသင့်တော်ပါ)

• 1994
• English
• 1 hrs 30 min
• 4.6 (IMDb)