The Street Fighter's Last Revenge (1974)

၁၉၇၄ ခုနှစ်ထွက် နာမည်ကျော် ကာရာတေး/အက်ရှင်မင်းသားကြီး ဆွန်နီချီဘာ (Sonny Chiba) ၏ ဂန္ထဝင် "The Street Fighter" ရုပ်ရှင်သုံးတွဲအနက် နောက်ဆုံးဇာတ်ကားဖြစ်ပြီး၊ ဇာတ်လိုက် တာကူမာ ဆူဂူရီ သို့မဟုတ် တယ်ရီ (Sonny Chiba) သည် ယခုတစ်ခေါက်တွင် ပိုမိုဆန်းပြားသည့် ရုပ်ဖျက်လှည့်ကွက်များနှင့်အတူ ပြန်လည်ရောက်ရှိလာသည်။ ဇာတ်လမ်းမှာ အဝါဒါ (Owada) မာဖီးယားဂိုဏ်းက တယ်ရီကို ရဲတပ်ဖွဲ့လက်ထဲမှ လူတစ်ဦးနှင့် လျှို့ဝှက်ကတ်ဆက်တိပ်ခွေပါသော သေတ္တာတစ်လုံးကို ခိုးယူကယ်တင်ပေးရန် ငွေအမြောက်အမြားနှင့် ငှားရမ်းခဲ့သည်။ ထိုတိပ်ခွေထဲတွင် အကျင့်ပျက်ခြစားနေသည့် အစိုးရအရာရှိကြီးများကို ခြိမ်းခြောက်ငွေညှစ်နိုင်မည့် လျှို့ဝှက်ချက်များနှင့် မူးယစ်ဆေးဝါးချက်လုပ်နည်း ဖော်မြူလာများ ပါရှိသည်။ သို့သော် တယ်ရီက အလုပ်ကို အောင်မြင်အောင် စွန့်စွန့်စားစား လုပ်ဆောင်ပေးခဲ့သော်လည်း မာဖီးယားဂိုဏ်းသားများက သူ့ကို သစ္စာဖောက်ကာ လုပ်ကြံပြီး ငွေမပေးဘဲ နှုတ်ပိတ်ရန် ကြိုးစားခဲ့ကြသည်။ ထို့ကြောင့် ဒေါသထွက်သွားသည့် တယ်ရီသည် ထိုလျှို့ဝှက်တိပ်ခွေကို ကိုယ်တိုင်ပြန်လည်ခိုးယူပြီး ရန်သူ့ဂိုဏ်းတစ်ခုလုံးကို ကလဲ့စားချေရန် ကြံစည်ပါတော့သည်။ မာဖီးယားအဖွဲ့သည် တယ်ရီကို သတ်ရန် ချီကာဂိုမှ ကြေးစားလူသတ်သမား ဖရန်ကီဘလက် (Frankie Black) အပါအဝင် ထိုင်ဝမ်မှ ကာရာတေးမယ်လေး ဟူဖန်း (Etsuko Shihomi) နှင့် အကျင့်ပျက်အစိုးရရှေ့နေတစ်ဦးတို့ကို အသုံးချကာ နည်းမျိုးစုံဖြင့် လိုက်လံနှိမ်နင်းပါတော့သည်။ သစ္စာဖောက်မှု၊ အပြန်အလှန် လှည့်ကွက်များနှင့်အတူ တယ်ရီတစ်ယောက် သူ့ကို ကလဲ့စားချေရန် လာသူအားလုံးကို သူ၏ ပြင်းထန်လှသော လက်သီးကွက်များ၊ ကိုယ်ခံပညာ အစွမ်းများဖြင့် တစ်ဦးတည်း ဘယ်လိုမျိုး အကြိတ်အနယ် ပြန်လည်တိုက်ခိုက်ခြေမှုန်းမလဲဆိုသည်ကို သွေးသံရဲရဲ ကာရာတေးအက်ရှင်ခန်းများစွာဖြင့် ခမ်းနားစွာ ရိုက်ကူးထားသည့် ရုပ်ရှင်ကောင်းတစ်ကား ဖြစ်သည်။

• 1974
• English
• 1 hrs 23 min
• 6 (IMDb)