Angel Has Fallen

ဒီဇာတ်ကားဟာ Has Fallen အက်ရှင်ရုပ်ရှင်စီးရီးရဲ့ တတိယမြောက်ဇာတ်ကားဖြစ်ပြီး၊ သမ္မတရဲ့ သက်တော်စောင့်အေးဂျင့် မိုက် ဘန်းနင်း (Mike Banning) တစ်ယောက် ထောင်ချောက်ဆင် စွပ်စွဲခံရကာ ထွက်ပြေးတိမ်းရှောင်ရင်း အမှုမှန်ကို ဖော်ထုတ်ရမည့် သဲထိတ်ရင်ဖို အက်ရှင်ဇာတ်ကားကြီး ဖြစ်ပါတယ်။ ဇာတ်လမ်းတွင် မိုက် ဘန်းနင်းဟာ အိမ်ဖြူတော် သက်တော်စောင့်အဖွဲ့ရဲ့ ညွှန်ကြားရေးမှူးရာထူး တိုးမြှင့်ခံရဖို့ ရှိနေသလို၊ တစ်ဖက်မှာလည်း နှစ်ပေါင်းများစွာ တာဝန်ထမ်းဆောင်ခဲ့မှုကြောင့် ခန္ဓာကိုယ်ဒဏ်ရာများနှင့် ဝေဒနာများကို လျှို့ဝှက်ခံစားနေရသူ ဖြစ်ပါတယ်။တစ်နေ့တွင် သမ္မတ အလန် ထရမ်ဘူးလ် (Allan Trumbull) ငါးဖမ်းထွက်သည့်ခရီးစဉ်၌ နည်းပညာမြင့် ဒရုန်းအမြောက်အမြားဖြင့် အလစ်အငိုက် အကြီးအကျယ် လုပ်ကြံတိုက်ခိုက်ခြင်း ခံခဲ့ရပါတယ်။ အဆိုပါ တိုက်ခိုက်မှုကြောင့် သမ္မတကြီး ပြင်းထန်စွာဒဏ်ရာရပြီး သတိမေ့မြောသွားခဲ့ရကာ မိုက်ဘန်းနင်းမှလွဲ၍ ကျန်ရှိသည့် သက်တော်စောင့်အားလုံး သေဆုံးသွားခဲ့ကြသည်။ ထူးဆန်းသည်မှာ လုပ်ကြံမှုတွင် အသုံးပြုခဲ့သည့် နည်းပညာများနှင့် ငွေကြေးလမ်းကြောင်းများအားလုံးက မိုက် ဘန်းနင်းဆီသို့ ညွှန်ပြနေသည့်အတွက် FBI နှင့် သူ၏ကိုယ်ပိုင်အေဂျင်စီတို့က မိုက် ဘန်းနင်းကို သမ္မတအား လုပ်ကြံသူအဖြစ် သံသယဝင်ကာ ဖမ်းဆီးလိုက်ပါတော့တယ်။မိုက် ဘန်းနင်းဟာ ရန်သူတွေရဲ့ ကြားဖြတ်တိုက်ခိုက်မှုကြားကနေ ထွက်ပြေးလွတ်မြောက်သွားခဲ့ပြီးနောက်... မိမိကို လိုက်လံဖမ်းဆီးနေသည့် အေဂျင်စီများနှင့် FBI တို့၏ ရန်မှ ရှောင်တိမ်းရင်း၊ နောက်ကွယ်က ဒုသမ္မတနှင့် သူ၏သူငယ်ချင်းဟောင်း ဝိတ် ဂျင်းနင်းစ် (Wade Jennings) တို့ ပူးပေါင်းကြံစည်ထားသည့် လျှို့ဝှက်ချက်ကြီးကို ဖော်ထုတ်ရန် ကြိုးစားရပါတော့တယ်။ လမ်းခရီးတွင် တောတွင်း၌ တစ်ဦးတည်း ပုန်းအောင်းနေထိုင်ပြီး ပေါက်ကွဲစေတတ်သော ပစ္စည်းများ ကျွမ်းကျင်သည့် သူ၏ ဖခင်ဖြစ်သူ ကလေ ဘန်းနင်း (Clay Banning) နှင့် မထင်မှတ်ဘဲ ပြန်လည်ဆုံတွေ့ကာ အကူအညီရယူခဲ့သည်။ မိုက် ဘန်းနင်းတစ်ယောက် မိမိ၏ နာမည်ပျက်ကို ဘယ်လိုဆေးကြောမလဲ၊ ဆေးရုံမှာ သတိမေ့မြောနေပြီး အသက်အန္တရာယ် ရှိနေဆဲဖြစ်တဲ့ သမ္မတကြီးကိုရော ရန်သူတွေလက်ကနေ အချိန်မီ ဘယ်လိုကာကွယ်သွားမလဲဆိုတာကို ရင်တမမဖြင့် ကြည့်ရှုရမည့် သဲထိတ်ရင်ဖို အက်ရှင်ဇာတ်ကားကောင်း ဖြစ်ပါတယ်။

• 2019
• English
• 2 hrs 01 min
• 6.4 (IMDb)