Hometown Remedy

ဒီဇာတ်ကားဟာ အမေရိကန်နိုင်ငံနောက်ခံ ရိုမန့်တစ်ဒရမ်မာ (Romance Drama) ရုပ်ရှင်ကားကောင်းတစ်ကား ဖြစ်ပါတယ်။ ဇာတ်လမ်းမှာ အဒဲလ် (Adele) ဟာ မြို့ကြီးတစ်မြို့မှာ အလွန်အလုပ်ရှုပ်ပြီး ကြိုးစားရုန်းကန်နေရတဲ့ ထက်မြက်တဲ့ ခွဲစိတ်ဆရာဝန် (Surgeon) တစ်ဦး ဖြစ်ပါတယ်။ တစ်နေ့မှာတော့ သူမရဲ့ ဖခင်ဖြစ်သူက ဇာတိမြို့ငယ်လေးမှာ မြို့တော်ဝန် (Mayor) အဖြစ် ရွေးကောက်တင်မြှောက်ခြင်း ခံရတာကြောင့်... အောင်ပွဲခံပွဲကို ဆင်နွှဲဖို့နဲ့ မိသားစုဆီ အလည်ပြန်ဖို့အတွက် ခွင့်ရက်ယူပြီး ဇာတိမြေဆီ ပြန်လာခဲ့ပါတယ်။မြို့ကလေးကို ရောက်ရောက်ချင်းမှာပဲ သူမဟာ ကားနောက်ဆုတ်ရင်းနဲ့ အမျိုးသားတစ်ဦးကို မတော်တဆ တိုက်မိသွားရာကနေ စတင်ဆုံတွေ့ခဲ့ကြပါတယ်။ ထူးဆန်းတာက ထိုအမျိုးသားဟာ သူမရဲ့ အချစ်ဆုံးသူငယ်ချင်းရဲ့ မောင်လေးဖြစ်ပြီး မြို့ကလေးရဲ့ တစ်ဦးတည်းသော ဆရာဝန် (တန်ဖိုးအရှိဆုံး လူပျိုလူလွတ်) ဖြစ်သူ ဂရန့်တ် (Grant) ဖြစ်နေပါတယ်။ ဒေါက်တာ ဂရန့်တ်ရဲ့ ဆေးခန်းလေးဟာ ဟောင်းနွမ်းဆိုးရွားနေပြီး မြို့သူမြို့သားတွေအတွက် ဆေးခန်းအသစ်တစ်ခု တည်ဆောက်ဖို့ သူတစ်ယောက်တည်း ကြိုးပမ်းရုန်းကန်နေရတာပါ။ မတော်တဆမှုကြောင့် ဒေါက်တာ ဂရန့်တ် အနားယူနေရတဲ့ ကာလအတွင်းမှာ အဒဲလ်က သူ့ရဲ့တာဝန်တွေကို ကိုယ်တိုင်ဝင်ရောက်ပြီး ဆေးခန်းမှာ ကူညီပေးခဲ့ပါတယ်။ ရက်တွေကြာလာတာနဲ့အမျှ သူမဟာ ဂရန့်တ်ရဲ့ မြို့သူမြို့သားတွေအပေါ် ထားရှိတဲ့ စစ်မှန်တဲ့ ကရုဏာတရားတွေကို မြင်တွေ့လာရပြီး၊ ဇာတိမြေရဲ့ နွေးထွေးမှု၊ အတိတ်က အမှတ်တရဟောင်းတွေနဲ့အတူ ဂရန့်တ်အပေါ် သံယောဇဉ်တွေ တိုးလာပါတော့တယ်။ တစ်ဖက်မှာလည်း မြို့ကြီးက မိမိရဲ့ အောင်မြင်နေတဲ့ ဆရာဝန်အလုပ်က စောင့်ကြိုနေတဲ့အခါ... အဒဲလ်တစ်ယောက် ဘဝရဲ့အချိုးအကွေ့မှာ နှလုံးသားရေးရာနဲ့ အလုပ်အကိုင်ကြား ဘယ်လိုမျိုး ဆုံးဖြတ်ချက်ချမလဲဆိုတာကို ချိုမြိန်အေးချမ်းစွာ ပုံဖော်ရိုက်ကူးထားတဲ့ ရုပ်ရှင် ဖြစ်ပါတယ်။

• 2023
• English
• 1 hrs 26 min
• 6.3 (IMDb)