The Notebook (2004)

သက်ကြီးရွယ်အိုစောင့်ရှောက်ရေးဂေဟာတစ်ခုမှာ သက်ကြီးရွယ်အိုအမျိုးသား နိုအာ (James Garner) က အတိတ်မေ့ရောဂါ (Alzheimer's) ခံစားနေရတဲ့ အမျိုးသမီးကြီး အယ်လီ (Gena Rowlands) ကို မှတ်တမ်းစာအုပ်ဟောင်း (Notebook) လေးတစ်အုပ် ဖတ်ပြရာကနေ ဇာတ်လမ်းစတင်ပါတယ်။ ဇာတ်လမ်းကတော့ ၁၉၄၀ ပြည့်လွန်နှစ်တွေက ဆင်းရဲတဲ့ သစ်စက်အလုပ်သမားလေး နိုအာ (Ryan Gosling) နဲ့ ချမ်းသာတဲ့မြို့ကြီးသူ အယ်လီ (Rachel McAdams) တို့ရဲ့ နွေရာသီတစ်ခုမှာ အစပြုခဲ့တဲ့ နက်ရှိုင်းလှတဲ့ အချစ်ဇာတ်လမ်း ဖြစ်ပါတယ်။လူတန်းစားကွာဟမှုကြောင့် အယ်လီ့မိဘတွေရဲ့ ခွဲခွာခြင်းကို ခံခဲ့ရပြီး၊ နိုအာက ဒုတိယကမ္ဘာစစ်ထဲ ဝင်သွားခဲ့သလို အယ်လီကလည်း စစ်သည်တော်ဟောင်းတစ်ဦးဖြစ်သူ လွန် (James Marsden) နဲ့ စေ့စပ်ခဲ့ပါတယ်။ ဒါပေမဲ့ နှစ်အတော်ကြာပြီးနောက် နိုအာက သူတို့ရဲ့ ကတိအတိုင်း အိမ်ဟောင်းကြီးကို ပြန်လည်ပြင်ဆင်ပြီးတဲ့အချိန်မှာ သူတို့နှစ်ဦး ပြန်လည်ဆုံတွေ့ကြပြီး ငြိတွယ်နေဆဲဖြစ်တဲ့ အချစ်ဦးအရှိန်အဟုန်ကြောင့် အယ်လီတစ်ယောက် ကြီးမားတဲ့ ရွေးချယ်မှုတစ်ခုကို ရင်ဆိုင်ရပါတော့တယ်။ Nicholas Sparks ရဲ့ နာမည်ကြီးလုံးချင်းဝတ္ထုကို အခြေခံပြီး အချိန်အခါနဲ့ ရောဂါဝေဒနာတွေက ဘယ်လောက်ပဲ ခွဲခွာစေကာမူ သေတပန်သက်ဆုံးတိုင် တည်မြဲနေမယ့် စစ်မှန်တဲ့အချစ်ကို ဖော်ကျူးထားတဲ့ ကမ္ဘာကျော် ရိုမန့်တစ်ဒရမ်မာ ရုပ်ရှင်ကားကြီး ဖြစ်ပါတယ်။

• 2004
• English
• 2 hrs 03 min
• 7.8 (IMDb)