Fitoor (2016)

ဒီဇာတ်ကားဟာ ကမ္ဘာကျော်စာရေးဆရာ Charles Dickens ရဲ့ ‘Great Expectations’ လုံးချင်းဝတ္ထုကို အိန္ဒိယနိုင်ငံ ကက်ရှ်မီးယား (Kashmir) ဒေသနောက်ခံဖြင့် ဆန်းသစ်ပြီး လှပဆန်းကြယ်စွာ ပုံဖော်ရိုက်ကူးထားသည့် ရိုမန့်တစ်ဒရမ်မာ ရုပ်ရှင်ဖြစ်ပါတယ်။ ဇာတ်လမ်းတွင် ကက်ရှ်မီးယားမှ ဆင်းရဲသော်လည်း အနုပညာပါရမီ ထူးချွန်လွန်းသည့် မိတဆိုးကောင်လေး နူးရ် (Noor) ဟာ ဒေသတွင်းက သြဇာကြီးပြီး ချမ်းသာကြွယ်ဝသည့် ဘီဂမ် ဟာဇရတ် (Begum Hazrat Jaan) ၏ သမီးဖြစ်သူ ဖီရ်ဒေါ့စ် (Firdaus) နှင့် ကလေးဘဝကတည်းက ဆုံတွေ့ခဲ့ပြီး ပိုင်ဆိုင်ခွင့်မရှိသည့် အချစ်ဦးအဖြစ် စွဲလန်းခဲ့ရပါတယ်။ အတိတ်က အချစ်ရေးကြောင့် နှလုံးသားကွဲကြေပြီး ခါးသီးနာကျင်နေရသည့် ဘီဂမ်သည် နူးရ်၏ မေတ္တာကို သိရှိသွားသည့်အခါ လူတန်းစားကွာဟမှုကို အသုံးချပြီး ဖီရ်ဒေါ့စ်ကို လန်ဒန်သို့ ပညာသင်လွှတ်ကာ ခွဲခွာစေခဲ့ပါတယ်။နှစ်အတော်ကြာပြီးနောက် နူးရ်ဟာ လျှို့ဝှက်အလှူရှင်တစ်ဦး၏ ပံ့ပိုးမှုဖြင့် ဒေလီမြို့တွင် အောင်မြင်ကျော်ကြားသည့် ပန်းချီပညာရှင်တစ်ဦး ဖြစ်လာချိန်၌ ဖီရ်ဒေါ့စ်နှင့် ပြန်လည်ဆုံတွေ့ခွင့်ရခဲ့သည်။ ဒါပေမဲ့ ဖီရ်ဒေါ့စ်မှာ တခြားသြဇာရှိသူတစ်ဦးနှင့် စေ့စပ်ထားပြီးဖြစ်သလို၊ ဘီဂမ်ကလည်း သူမကိုယ်တိုင် ခံစားခဲ့ရသည့် နာကျင်မှုမျိုးကို ကလဲ့စားချေရန်အတွက် သူတို့နှစ်ဦး၏ အချစ်ကို ကစားကွက်တစ်ခုလို ထပ်မံဖျက်ဆီးဖို့ ကြိုးစားလာပါတယ်။ အနုပညာ၊ လူတန်းစားခွဲခြားမှု၊ ချစ်ခြင်းမေတ္တာနှင့် အစွန်းရောက်ရူးသွပ်မှု (Fitoor) တို့အကြား ကက်ရှ်မီးယား၏ လှပလှပသော နှင်းငွေ့အလှတရားများနှင့်အတူ ရင်နင့်ဖွယ် ပုံဖော်ထားသည့် ဇာတ်ကားကောင်း ဖြစ်ပါတယ်။

• 2016
• Hindi
• 2 hrs 10 min
• 5.4 (IMDb)