The Dreamers (2003)

၁၉၆၈ ခုနှစ် ပြင်သစ်နိုင်ငံ ပါရီမြို့တော်တွင် ကျောင်းသားအုံကြွမှု တော်လှန်ရေးရေစီးကြောင်းကြီး ဖြစ်ပွားနေသည့် အချိန်ကို နောက်ခံထားသည်။ ပါရီသို့ ရောက်ရှိနေသည့် အမေရိကန်ကျောင်းသားလေး မက်သရူး (Michael Pitt) သည် ရုပ်ရှင်အနုပညာကို ရူးသွပ်ကြသည့် ပြင်သစ်မောင်နှမနှစ်ဦးဖြစ်သော အစ္စဘဲလ် (Eva Green) နှင့် သီယို (Louis Garrel) တို့နှင့် မမျှော်လင့်ဘဲ ခင်မင်ရင်းနှီးသွားခဲ့သည်။ မိဘများ ခရီးထွက်သွားချိန်တွင် ထိုမောင်နှမနှစ်ဦး၏ တိုက်ခန်း၌ မက်သရူး လာရောက်နေထိုင်ခဲ့ပြီး ပြင်ပကမ္ဘာနှင့် လုံးဝအဆက်အသွယ်ဖြတ်ကာ ၎င်းတို့သုံးဦးတည်း၏ သီးသန့်ကမ္ဘာလေးတစ်ခုကို ဖန်တီးခဲ့ကြသည်။ ၎င်းတို့သည် ရုပ်ရှင်ဇာတ်ကွက်များကို ပြန်လည်သရုပ်ဆောင်ရင်း၊ တစ်ဦးနှင့်တစ်ဦး စိတ်ပညာဆန်ဆန် စိန်ခေါ်ကစားပွဲများ ပြုလုပ်ရင်းမှတစ်ဆင့် စိတ်ပိုင်းဆိုင်ရာ၊ ရာဂပိုင်းဆိုင်ရာနှင့် အချစ်ရေးပိုင်းဆိုင်ရာ ပွေရှုပ်နက်နဲလှသည့် ဆက်ဆံရေးနယ်ကျွံမှုများ ဖြစ်ပေါ်လာခဲ့သည်။ လူငယ်တို့၏ လွတ်လပ်မှုကို ရှာဖွေပုံ၊ စိတ်ကူးယဉ်ဆန်မှုနှင့် အမှန်တရားကြား ရုန်းကန်ရပုံတို့ကို ရုပ်ရှင်အနုပညာဆန်ဆန် ပုံဖော်ရိုက်ကူးထားသည့် ဇာတ်ကားဖြစ်သည်။(အထူးသတိပေးချက်။ ။ ဤဇာတ်ကားသည် NC-17 (လူကြီးသီးသန့်) အဆင့် သတ်မှတ်ခံထားရပြီး ပြင်းထန်ပြီး အသေးစိတ်ကျလှသော အဝတ်ဗလာကျင်းပြကွက်များ၊ ဗြောင်ကျလှသော လိင်ပိုင်းဆိုင်ရာ ကာမရာဂပြကွက်များ (Explicit Sexual Content and Full Nudity) အဓိကပါဝင်သည့် ရုပ်ရှင်အမျိုးအစား ဖြစ်သည်။ ထို့ကြောင့် အသက် ၁၈ နှစ်အောက် ကလေးသူငယ်များနှင့် မိသားစုဝင်များ အတူတကွ ကြည့်ရှုရန် လုံးဝ (လုံးဝ) မသင့်တော်ပါဘဲ အရွယ်ရောက်ပြီးသူ လူကြီးများသာ သီးသန့်ကြည့်ရှုရမည့် ဇာတ်ကားမျိုး ဖြစ်ကြောင်း အလေးအနက် သတိပေးအပ်ပါသည်)

• 2003
• English
• 1 hrs 55 min
• 7.1 (IMDb)