Sunny

အိမ်ထောင်ရှင်မတစ်ဦးဖြစ်သူ အင်နာမီ (Yoo Ho-jeong) သည် ဆေးရုံတစ်ခုတွင် သူမ၏ အထက်တန်းကျောင်းတုန်းက အခင်ဆုံးသူငယ်ချင်းဖြစ်ခဲ့သည့် ဟာချွန်းဟွာ (Jin Hee-kyung) နှင့် မမျှော်လင့်ဘဲ ပြန်လည်ဆုံတွေ့ခဲ့သည်။ ကံဆိုးစွာဖြင့် ချွန်းဟွာသည် ကင်ဆာရောဂါနောက်ဆုံးဆင့် ခံစားနေရပြီး ကွယ်လွန်ခါနီးအချိန်တွင် အတိတ်က ၎င်းတို့၏ အထက်တန်းကျောင်းသူသူငယ်ချင်း ၇ ဦးအဖွဲ့ဖြစ်သည့် "Sunny" (ဆန်နီ) အဖွဲ့ဝင်များကို နောက်ဆုံးအနေဖြင့် တစ်ခေါက်ပြန်လည်ဆုံတွေ့ချင်သည့် ဆန္ဒရှိနေသည်။ ထို့ကြောင့် နာမီသည် သူငယ်ချင်းဟောင်းများကို တစ်ဦးချင်းစီ လိုက်လံရှာဖွေရင်း... ၁၉၈၀ ပြည့်လွန်နှစ်များဆီက သောင်းကျန်းခဲ့ကြသည့်၊ ရယ်မောပျော်ရွှင်ခဲ့ကြသည့်၊ အနာဂတ်အိမ်မက်ကိုယ်စီရှိခဲ့ကြသည့် ကျောင်းသူဘဝ အမှတ်တရများနှင့် လက်တွေ့ဘဝတွင် ရုန်းကန်နေရသည့် အရွယ်ရောက်ပြီး အခြေအနေများကို လှပလွမ်းမောဖွယ် နှိုင်းယှဉ်ပုံဖော်ထားသည်။ သူငယ်ချင်းများအကြား သံယောဇဉ်၊ ချစ်ခြင်းနှင့် ဘဝအဓိပ္ပာယ်ကို ဟာသရသ၊ ဒရမ်မာရသအပြည့်ဖြင့် ရိုက်ကူးထားသည့် ကမ္ဘာကျော် တောင်ကိုရီးယား ရုပ်ရှင်ဂန္ထဝင်ကားကြီး ဖြစ်သည်။

• 2001
• Korea
• 2 hrs 04 min
• 7.8 (IMDb)