Black Swan

နယူးယောက်မြို့တော် ဘဲလေးကပွဲအဖွဲ့မှ နီနာ (Natalie Portman) ဟာ ကခုန်ခြင်းအနုပညာအပေါ် အစွဲအလမ်းကြီးပြီး ပြီးပြည့်စုံမှုကို အလွန်အမင်း လိုလားသူ ဘဲလေးကချေသည်တစ်ဦး ဖြစ်ပါတယ်။ အဖွဲ့၏ ဒါရိုက်တာဖြစ်သူ သောမတ်စ်က နာမည်ကျော် "Swan Lake" (ငန်းကန်) ကပွဲကြီးအတွက် အပြစ်မဲ့ပြီး နုနယ်သည့် ငန်းဖြူ (White Swan) နေရာနှင့် ဆွဲဆောင်မှုရှိပြီး အမှောင်ဘက်ခြမ်းကို ကိုယ်စားပြုသည့် ငန်းနက် (Black Swan) နေရာ နှစ်ခုစလုံးကို တစ်ဦးတည်း ကပြရမည့် ခေါင်းဆောင်မင်းသမီးအဖြစ် နီနာ့ကို ရွေးချယ်ခဲ့ပါတယ်။နီနာသည် ငန်းဖြူနေရာအတွက် ကွက်တိကျသော်လည်း ညို့ဓာတ်ပြင်းပြင်းဖြင့် ကရမည့် ငန်းနက်နေရာအတွက် ရုန်းကန်နေရစဉ်... သူမထက် ပွင့်လင်းလွတ်လပ်ပြီး ဆွဲဆောင်မှုရှိသည့် ကချေသည်အသစ် လီလီ (Mila Kunis) ရောက်ရှိလာသည့်အခါ ပြင်းထန်သော ပြိုင်ဆိုင်မှုနှင့် သောကများ စတင်ပါတော့သည်။ အနုပညာတွင် ပြီးပြည့်စုံချင်လွန်းသည့် စိတ်ကြောင့် နီနာသည် တဖြည်းဖြည်း စိတ္တဇဝေဒနာ ခံစားရကာ အိပ်မက်နှင့် လက်တွေ့ကို ခွဲခြားမရတော့ဘဲ မိမိကိုယ်ကို ထိခိုက်နာကျင်စေခြင်း (Self-harm) နှင့် စိတ်ပိုင်းဆိုင်ရာ ပြိုလဲပျက်စီးမှု အမှောင်ကမ္ဘာထဲသို့ ကျဆင်းသွားပုံကို ရိုက်ကူးထားသည့် စိတ်ပညာဆိုင်ရာ သည်းထိတ်ရင်ဖို (Psychological Thriller) ဇာတ်ကားကောင်းကြီး ဖြစ်သည်။(အထူးသတိပေးချက်။ ။ ဤဇာတ်ကားတွင် ပြင်းထန်သော စိတ္တဇစိတ်ကူးယဉ်မှုများ၊ မိမိကိုယ်ကို နာကျင်အောင် ပြုလုပ်မှုများနှင့်အတူ အလွန်အမင်း ပွင့်လင်းမြင်သာပြီး ပြင်းပြလှသော လိင်ပိုင်းဆိုင်ရာ ပြသကွက်များ (Explicit sexual content) ပါဝင်သောကြောင့် ၁၈ နှစ်အောက် ကလေးငယ်များနှင့် မိသားစုအတူ ကြည့်ရှုရန် လုံးဝ (လုံးဝ) မသင့်တော်ပါ)

• 2010
• English
• 1 hrs 48 min
• 8 (IMDb)