Tekka

အိန္ဒိယနိုင်ငံ၊ ကော်လ်ကတ္တား (Kolkata) မြို့၏ အစည်ကားဆုံး ဒူရ်ဂါပူဂျာ (Durga Puja) ပွဲတော်ရက်အတွင်း မထင်မှတ်ဘဲ ဖြစ်ပွားခဲ့သည့် ဓားစာခံပြန်ပေးဆွဲမှု ဖြစ်ရပ်တစ်ခုကို နောက်ခံထား၍ ရိုက်ကူးထားသော ဘင်္ဂါလီ ရာဇဝတ်မှုသည်းထိတ်ရင်ဖို (Crime Thriller) ဇာတ်ကားကြီး ဖြစ်သည်။ ဇာတ်လမ်းတွင် အခြေခံလူတန်းစား သန့်ရှင်းရေးအလုပ်သမားတစ်ဦးဖြစ်သူ အစ်ကလွန် (Dev) သည် လူမှုပတ်ဝန်းကျင်၏ မတရားဖိနှိပ်မှုများနှင့် စနစ်၏ချို့ယွင်းချက်များကြောင့် အကြီးအကျယ် စိတ်ပျက်လက်ပျက်ဖြစ်ကာ အထက်တန်းလွှာအမျိုးသမီး အိုင်ရာ (Swastika Mukherjee) ၏ သမီးငယ်လေးကို အဆောက်အအုံတစ်ခုအတွင်း ဓားစာခံအဖြစ် ပြန်ပေးဆွဲလိုက်ပါတော့သည်။သူ၏ တောင်းဆိုချက်မှာ ငွေကြေးမဟုတ်ဘဲ မိမိအပေါ် ကျူးလွန်ထားသည့် မတရားမှုများကို သတင်းဌာနများမှတစ်ဆင့် လူသိရှင်ကြား ဖွင့်ချပေးရန်သာ ဖြစ်သည်။ ဤအခြေအနေကို ကိုင်တွယ်ဖြေရှင်းရန် ထက်မြက်သော ရဲအရာရှိ မာယာ (Rukmini Maitra) ရောက်ရှိလာပြီး ပြန်ပေးသမားနှင့် ရဲတပ်ဖွဲ့ကြား ဉာဏ်ကစားကာ အချိန်နှင့်တစ်ပြေးညီ စေ့စပ်ညှိနှိုင်းရပုံ၊ လူမှုရေးကွာဟချက်များနှင့် မိခင်တစ်ဦး၏ သောကများကို ရင်တထိတ်ထိတ်ဖြင့် စိတ်ဝင်စားဖွယ် ပုံဖော်တင်ဆက်ထားပါသည်။

• 2024
• India
• 2 hrs 21 min
• 6.4 (IMDb)