The Most Beautiful Wife

၁၉၇၀ ပြည့်နှစ်က ထွက်ရှိခဲ့တဲ့ ဒီအီတလီ ရာဇဝတ်မှု Drama ရုပ်ရှင်ဟာ စစ္စလီကျွန်း (Sicily) ရဲ့ အမျိုးသမီးများအပေါ် ဖိနှိပ်ထားတဲ့ ရှေးရိုးစွဲစနစ်ဆိုးတစ်ခုကို ရဲဝံ့စွာ တော်လှန်ခဲ့တဲ့ မိန်းကလေး "ဖရန်ကာ ဗီအိုလာ (Franca Viola)" ရဲ့ ဖြစ်ရပ်မှန် သမိုင်းကြောင်းကို အခြေခံရိုက်ကူးထားတာ ဖြစ်ပါတယ်။ အသက် ၁၄ နှစ်အရွယ် ချောမောလှပတဲ့ စစ္စလီကျေးလက်တောရွာက မိန်းကလေး ဖရန်ဆက်စကာ (Ornella Muti) ကို ဒေသခံ မာဖီးယားဂိုဏ်းဝင် လူငယ်တစ်ဦးဖြစ်တဲ့ ဗီတို ယူဗာရာ (Alessio Orano) က သဘောကျပြီး လက်ထပ်ခွင့်တောင်းခဲ့ပါတယ်။ ဒါပေမဲ့ ဖရန်ဆက်စကာက ငြင်းပယ်ခဲ့တဲ့အခါမှာတော့ ဗီတိုဟာ စစ္စလီရဲ့ ရှေးရိုးစွဲအစဉ်အလာတစ်ခုဖြစ်တဲ့ မိန်းကလေးတစ်ယောက်ကို အဓမ္မဖမ်းဆီးစော်ကားပြီးရင် မိသားစုအရှက်သိက္ခာအတွက် အလိုအလျောက် ပြန်လည်လက်ထပ်ယူရမယ်ဆိုတဲ့ ဓလေ့ဆိုး (Matrimonio riparatore) ကို အသုံးချဖို့ သူမကို ပြန်ပေးဆွဲပြီး အဓမ္မပြုကျင့်ခဲ့ပါတယ်။ သမိုင်းအစဉ်အလာအရ အမျိုးသမီးတွေဟာ လူမှုပတ်ဝန်းကျင်နဲ့ မိသားစုဖိအားကြောင့် အညံ့ခံကာ လက်ထပ်လေ့ရှိကြပေမဲ့ ဖရန်ဆက်စကာကတော့ မာဖီးယားတွေရဲ့ ခြိမ်းခြောက်မှုနဲ့ ရှေးရိုးစွဲအသိုင်းအဝိုင်းကို ဂရုမစိုက်ဘဲ ဗီတိုကို တရားဥပဒေအတိုင်း ရဲရဲဝံ့ဝံ့ တရားစွဲဆို တော်လှန်ခဲ့ပါတယ်။ အမျိုးသမီးတစ်ဦးရဲ့ ရဲစွမ်းသတ္တိ၊ မာဖီးယားအာဏာစက်နဲ့ ရက်စက်တဲ့ ဖိနှိပ်ချုပ်ချယ်မှုတွေကို စိတ်လှုပ်ရှားဖွယ် ပုံဖော်ထားတဲ့ ဇာတ်ကားဖြစ်ပြီး၊ ကမ္ဘာကျော်မင်းသမီးကြီး Ornella Muti ၏ ပထမဆုံးသော ပွဲဦးထွက် ရုပ်ရှင်လည်း ဖြစ်ပါတယ်။

• 1970
• English
• 1 hrs 48 min
• 6.8 (IMDb)