- Funny •
- Comedy •
- Romantic
Make Me a Match
"နည်းပညာခေတ်က Dating App တွေနဲ့ အိန္ဒိယရိုးရာ အောင်သွယ်စနစ်တို့ ထိပ်တိုက်တွေ့ကြတဲ့အခါ..." Vivi ဆိုတာ အချစ်ရေးမှာ အောင်မြင်မှုတွေရအောင် ဖန်တီးပေးနေတဲ့ Dating App ကုမ္ပဏီတစ်ခုက ထက်မြက်တဲ့ နည်းပညာပိုင်းဆိုင်ရာ အမျိုးသမီးအမှုဆောင်တစ်ဦးပါ။ ဒါပေမဲ့ အိုင်ရိုနီ (Irony) ဖြစ်စရာကောင်းတာက သူကိုယ်တိုင် ဖန်တီးထားတဲ့ App ရဲ့ သီအိုရီတွေ၊ Algorithm တွေက သူမရဲ့ ကိုယ်ပိုင်အချစ်ရေးမှာတော့ လုံးဝအလုပ်မဖြစ်ဘဲ အဆင်မပြေမှုတွေနဲ့သာ ရင်ဆိုင်နေရတာ ဖြစ်ပါတယ်။ တစ်ရက်မှာတော့ သူမရဲ့ အလုပ်ခွင်တိုးတက်ဖို့နဲ့ အချစ်စစ်ကို တကယ်ရှာဖွေနိုင်ဖို့အတွက် Vivi တစ်ယောက် စိန်ခေါ်မှုအသစ်တစ်ခုကို လုပ်ဖို့ ဆုံးဖြတ်လိုက်ပါတယ်။ အဲဒါကတော့ နည်းပညာတွေကို ဘေးဖယ်ပြီး ရှေးရိုးရာအတိုင်း လူတွေရဲ့ စိတ်နေသဘောထားကို သေချာစိစစ်ပြီး အောင်သွယ်ပေးတတ်တဲ့ အိန္ဒိယရိုးရာ အောင်သွယ်တော်ကြီး Raina ဆီမှာ အကူအညီတောင်းဖို့ပါပဲ။ အဲဒီမှာတင် Vivi တစ်ယောက် Raina ရဲ့ သားဖြစ်သူ Boom (Bhumesh) နဲ့ ဆုံတွေ့ခွင့်ရခဲ့ပါတယ်။ Boom ဟာ မိခင်ဖြစ်သူရဲ့ ရိုးရာအောင်သွယ်ရေးလုပ်ငန်းကို ကူညီလုပ်ကိုင်ပေးနေတဲ့ ချောမောပြီး စိတ္တဇေက္ခုရှိတဲ့ လူငယ်တစ်ယောက်ပါ။ အစပိုင်းမှာတော့ သိပ္ပံနည်းကျ ဒေတာတွေကိုပဲ ယုံကြည်တဲ့ Vivi နဲ့ နှလုံးသားခံစားချက်နဲ့ ရိုးရာကို အလေးထားတဲ့ Boom တို့နှစ်ယောက်ကြား အမြင်ချင်းမတူဘဲ ကွဲလွဲမှုတွေ ရှိခဲ့ကြပါတယ်။ ဒါပေမဲ့ Boom က Vivi အတွက် အကိုက်ညီဆုံး အိမ်ထောင်ဖက်ကို ရှာဖွေပေးဖို့ ကူညီပေးရင်း၊ ရိုးရာဓလေ့တွေအကြောင်း သင်ပြပေးရင်းနဲ့မှ သူတို့နှစ်ယောက်ကြားမှာ မထင်မှတ်ထားတဲ့ သံယောဇဉ်တွေ၊ ဆွဲဆောင်မှုတွေက တဖြည်းဖြည်း မြစ်ဖျားခံလာပါတော့တယ်။ ဖုန်းစခရင်ပေါ်က Algorithm တွေကပဲ အချစ်စစ်ကို ရှာပေးနိုင်မှာလား? ဒါမှမဟုတ် ရှေးရိုးရာ အောင်သွယ်စနစ်နဲ့ နှလုံးသားချင်း ထိတွေ့မှုကပဲ အဖြေမှန် ဖြစ်မလားဆိုတာကို ယဉ်ကျေးမှုဓလေ့စရိုက်အလှတွေ၊ မိသားစုအချစ်တွေနဲ့အတူ ပေါ့ပေါ့ပါးပါး ကြည်နူးဖွယ် ဖျော်ဖြေတင်ဆက်ထားတဲ့ Romantic Comedy ဇာတ်ကားကောင်းလေး တစ်ကား ဖြစ်ပါတယ်ခင်ဗျာ။
